“Kush është lulja në Ballkan
Që bota i ka sevdanë
Kosova që s’njeh sulltan”, Kosova ishte pjesë e pandashme e krijimtarisë së Lasgushit si këto vargje të nxjerra në një nga poezitë e tij.
Në videon e postuar më poshtë, shihet poeti i madh Lasgush Poradeci. Kur flet për Kosovën, ai përlotet.
Teksa Poradeci anatemohej nga regjimi komunist në Shqipëri, “Rilindja” në Kosovë boton vëllimin e veprave të tij. Ky vëllim i realizuar me shumë përkushtim dhe shpenzime të mëdha, në Tiranë – me shumë peripeci po edhe këmbëngulje – atij ia dorëzon redaktori i “Rilindjes”, kritiku dhe shkrimtari Sabri Hamiti që kishte përgatitur këtë botim, parathënien e të cilit e kishte shkruar po ashtu.
Lasgushi, as në ato momente nuk ka mundur të përmbahet nga lotët.