Për ta bërë më të lehtë për fëmijët të mësojnë në shtëpi përmes disa këshillave të thjeshta, shikoni se si së bashku me fëmijët tuaj mund të kontribuoni në pavarësinë, zhvillimin e aftësive grafomotore, aftësitë para-matematikore dhe të para leximit dhe shkrimit.
Caktojeni rutinën e përditshme Rutina do të sjellë parashikueshmëri në jetën e fëmijëve, e cila është e nevojshme që ata të fitojnë një ndjenjë sigurie dhe stabiliteti. Rutina gjithashtu vendos kufij në edukim. Ajo i jep fëmijës pasqyrë të qartë se çfarë pritet prej tij dhe kur.
Caktojini takimet familjare
Mund të bëni një plan javor për to. Printoni atë. Shkruajeni ose, për ta kuptuar më të lehtë fëmijët, zbukurojeni me figura. Gjithashtu mund të përcaktoni së bashku se si do të monitoroni realizimin e planit – vendosni shenja kontrolli ose pluse dhe minuse. Ju duhet t’i përmbaheni planit, sepse jeni modeli
kryesor i jetës së fëmijës.
Përcaktoni kur fillon parashkollori
Koka e një fëmije duhet të jetë gati për të mësuar! Kjo është arsyeja pse është më mirë të filloni shkollën në shtëpi pasi fëmija të ketë fjetur një natë të mirë dhe një mëngjes të shëndetshëm.
Rregullojeni së bashku hapësirën e punës
Merrni fletore dhe kuti lapsash. Sigurohuni që lapsat të jenë të mprehur dhe gjithçka të jetë në numër.
Jepini fëmijës detyra
Detyrat për parashkollorët mund të gjenden në internet. Disa mund t’i printoni dhe për disa mund t’i përdorni gjërat që tashmë i keni në shtëpi. Fasulet, kopsat dhe gurët do të jenë aleatët tuaj
të mëdhenj në zhvillimin e aftësive grafomotorike dhe aftësive para-matematikore të fëmijës.
Jini të kujdesshëm me ndihmën dhe bujarë me lavdërimet
Është e rëndësishme për fëmijët që t’i inkurajoni dhe lavdëroni dhe t’i ndihmoni të zgjidhin detyrat vetëm kur ju kërkojnë ndihmë. Në këtë mënyrë, fëmijët do të zhvillojnë më së miri potencialin e tyre./DG/Dijasot.com