Nagavci ngushëllon familjen Ramadani, që humbi jetën në aksident trafiku

Nagavci ngushëllon familjen Ramadani që humbën jetën në aksident trafiku Ministrja e Arsimit Arbërie Nagavci, ka dërguar telegram ngushëllimi familjës Ramadani, ku katër anëtarë të kësaj familje humbën jetën në një aksident që ndodhi të dielën në Koshare të Ferizajt.

Nagavci ka thënë se e ka pikëlluar pa masë lajmi për nxënësin Yll Ramadani, i cili ishte në mesin e katër viktimave të këtij aksidenti.

Ajo ka shkruar se Ylli sot do të duhej të ishte i ulur në bankën e tij në klasën e katër të shkollës “Emin Duraku” në Shtime dhe fakti se shkolla mbanë ditë zie për të, është i dhimbshëm për secilin.

 

Telegrami i plotë:

Na pikëlloi pa masë lajmi se nxënësi Yll Ramadani humbi jetën dje në një aksident. Lajme të tilla sjellin dhimbje e trishtim, aq më tepër që, bashkë me Yllin humbën jetën edhe familja e tij.

Ylli sot do të duhej të ishte i ulur në bankën e tij në klasën e katër të shkollës “Emin Duraku” në Shtime dhe fakti se shkolla mbanë ditë zie për të, është i dhimbshëm për secilin nga ne, sepse humbëm një djalë dhe një nxënës të dashur.
Në këto momente të vështira, ndajmë dhimbjen me Ju, e dashur familje Ramadani, shoqe e shokë të klasës së Yllit dhe të gjithë mësuesve e nxënësve të shkollës “Emin Duraku”.
Në emër të Ministrisë së Arsimit, Shkencës, Teknologjisë dhe Inovacionit, iu shpreh ngushëllimet më të sinqerta!
Ylli pushoftë në paqen e përjetësisë!