Gjatë pesë ditëve të kaluara përhapja e koronavirusit mori 44 jetë të qytetarëve. Të premten kanë vdekur 12 qytetarë, 6 banorë kanë vdekur të enjten, 9 qytetarë u raportua se kanë vdekur nga korona të mërkurën, 8 po ashtu nga ky virus humëbn jetën të martën dhe 9 qytetarë të tjerë u raportua nga IKSHPK-ja se kanë vdekur të hënën pasi ishin prekur nga COVID-19.
Java që po lëmë pas nuk ka qenë e lehtë për Kosovën. 44 qytetarë kanë vdekur nga koronavirusi gjatë pesë ditëve. E hëna për kosovarët nisi me lajmin se nga ky virus vdekjeprurës humbën jetën nëntë qytetarë të saj, ndërsa u raportua për 486 raste të reja pozitive me COVID-19. E marta po ashtu ishte ditë e rëndë për kosovarët. Nga të dhënat e Institutit Kombëtar të Shëndetësisë Publike të Kosovës (IKSHPK) u deklaruan tetë raste të vdekjes nga koronavirusi. Një ditë me pas, të mërkurën u raportua nga ky institut se nga koronavirusi kanë vdekur nëntë banorë tjerë të Kosovës. Të enjten IKSHPK-ja raportoi gjashtë raste te vdekjes nga koronavirusi.
Ndërsa, gjatë 24 orëve të djeshme janë raportuar 12 raste të vdekjes nga COVID-19, raporton Dijasot.com.
Numri total i rasteve që kanë humbur jetën në Kosovë nga koronavirusi që nga paraqitja e rasteve të para të të infektuarve me këtë virus vdekjeprurës në muajn mars ka arritur tash në 732 raste.
Shtimi i rasteve të reja me koronavirus ditëve të fundit shtyu qeverinë e vendit që dje të marrë masa shtesë për parandalimin e përhapjes së Kosovës. 7 komuna të vendit përfshirë dhe kryeqytetin janë mbyllur për hyrje-dalje gjatë vikendit. Po ashtu në masat e qeverisë për kufizim kanë hyrë edhe Fushë Kosova, Gjilani, Obiliqi, Gjakova, Podujeva dhe Shtimja /Dijasot.com